“Barselona” rahbariyati jamoa hujumchisi Ansu Fatini “Manchester Yunayted”ga sotishdan bosh tortdi.
Goal nashrining xabar qilishicha, ingliz klubi yozda Fati transferi uchun 150 million yevro taklif qilgan. Biroq katalonlar mazkur taklifga rad javobini bergan.
Shundan keyin 17 yoshli futbolchining tovon puli 170 million yevrodan 400 million yevroga ko‘tarib qo‘yildi.
Fati “Barselona” tarbiyalanuvchisi hisoblanadi. Ansu 2019/20-yilgi mavsumda Ispaniya chempionatining 24 o‘yinida maydonga tushdi (11 tasi asosiy tarkibda). Ularda futbolchi 7 gol va bitta golli uzatmaga muallif bo‘ldi. 2020/21-yilgi mavsumdagi bitta o‘yinda Fati ikkita gol urdi.
Uning katalon klubi bilan amaldagi shartnomasi 2022-yilga qadar mo‘ljallangan.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)