“Latsio” hujumchisi Chiro Immobile Transfermarkt talqiniga ko‘ra A Seriyaning 2019/20-yilgi mavsumdagi eng yaxshi futbolchisi deb topildi.
Rim klubi hujumchisi o‘tgan mavsumda Italiya chempionatining eng yaxshi to‘purariga aylangandi. 30 yoshli futbolchi 37 uchrashuvda 36 bor raqiblar darvozasini ishg‘ol etgan. Shuningdek uning hisobida 8 ta golli uzatma ham bor. Bundan tashqari u Italiya Kubogida bitta, Yevropa Ligasida esa ikkita golni o‘z nomiga rasmiylashtirib qo‘ygan.
Ma’lumot uchun, “Latsio” Immobileni 2016-yil yozida 9,45 million evaziga “Sevilya”dan sotib olgan. Futbolchining Rim klubi bilan shartnomasi 2025-yilning yozigacha amal qiladi.
“Latsio” o‘tgan mavsumda 78 ochko bilan A Seriyada uchinchi o‘rinni egallab, Chempionlar Ligasi guruh bosqichi yo‘llanmasini qo‘lga kiritdi.
Mavzuga doir:
- Krishtianu Ronaldu va Lionel Messidan ko‘proq gol urgan “darbadar” qirol — Chiro Immobile haqida
- A Seriya 2019/20-yilgi mavsumining eng yaxshilari aniqlandi. Ular orasida Ronaldu yo‘q
- “Latsio” inqirozi, o‘ziga rom etgan “Atalanta” va rekordlar. A Seriya 2019/20-yilgi mavsumi nimasi bilan yodda qoldi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)