UFC prezidenti Deyna Uayt yarimog‘ir vazn toifasida promoushen chempioni Yan Blaxovich va o‘rta vazn chempioni Israel Adesanyaning keyingi raqiblari kim bo‘lishi haqida gapirdi.
“Agar Jared Kannonyer Robert Uittakerga qarshi jangni yutadigan bo‘lsa, u holda sovrinli jang uchun imkoniyatga ega bo‘ladi. Menga Adensanyadagi bir xislat yoqadi: u yengilishi ehtimoli bo‘lgan har qanday jangga rozi bo‘ladi.
Tiago Santos — Glover Teysheyra jangi Blaxovichning keyingi raqibini aniqlab beradi. Biroq Jon Jons bu jangni istagudek bo‘lsa, uni bu imkoniyatdan mosuvo qila olmaymiz”, — deydi Uayt.
Eslatib o‘tamiz, UFC 253 musobaqasida Adesanya yengilmas Paulo Kostani nokautga uchratib, kamarini himoya qildi. Blaxovich esa Jon Jonsdan keyin vakant qolgan kamar uchun kurashda Dominik Reyesdan ustun keldi.
UFC 253 kechasining barcha janglari videosini bu yerda ko‘rish mumkin → havola.
Ma’lumot uchun, Kannonyer va Uittaker o‘rtasidagi jang 24-oktabr kungi UFC 254 musobaqasida o‘tkaziladi. Santos — Teysheyra jangi esa 7-noyabr kungi UFC musobaqasining asosiy voqeasi bo‘ladi.
Izoh (0)