Professional boksning ikkinchi yarim yengil vazn (-55,34 kg) toifasida vakant bo‘lib turgan WBC kamari uchun chempionlik jangi Toshkent vaqti bilan 27-sentabr, yakshanba kuni Ankasvill shahrida (AQSh, Konnektikut shtati) bo‘lib o‘tdi.
Unda Luis Neri (31-0, 24 KO) hamda Aaron Alameda (25-1, 13 KO) o‘zaro ringga chiqdi. 12 raundga mo‘ljallangan jang to‘liq davom etib, hakamlar yakunda 115-113, 116-112, 118-110 hisobida Nerining g‘alabasini qayd etdi.
Shu tariqa WBC kamari Luis Neriga nasib etdi.
Qayd etish joiz, ushbu vazn toifasida WBA va IBF kamarlari o‘zbekistonlik Murodjon Ahmadaliyevga (8-0, 6 KO) tegishli. WBO yo‘nalishi chempioni esa Anjelo Leo (20-0, 9 KO) hisoblanadi.
AQShdagi boks oqshomidagi yana bir to‘qnashuvda esa ikkinchi yarim yengil vazn (-55,34 kg) toifasida WBA va IBF kamarlarining sobiq sohibi Daniel Roman (28-3-1, 10 KO) WBC kamari uchun birinchi saralash jangida Xuan Karlos Payanoga (21-4, 9 KO) qarshi ringga chiqib, ochkolar evaziga g‘alaba qozondi.
Mazkur janglar videosini bu yerda tomosha qilish mumkin → havola.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)