Toshkent vaqti bilan 27-sentabr, yakshanba tongida Abu-Dabidagi (BAA) “Jangchilar oroli”da UFC 253 musobaqasi doirasida yarim og‘ir vazn toifasida Jon Jonsdan so‘ng vakant qolgan chempionlik kamari uchun amerikalik Dominik Reyes (12-2) hamda polshalik Yan Blaxovich (27-8) o‘zaro to‘qnash keldi.
Jangning 1-raundi teng kurashlar ostida kechdi. Ikkinchi raundni esa Blaxovich juda faol boshladi va ketma-ket kuchli zarbalar berdi. Natijada Yan Dominikini texnik nokautga uchratdi. Qayd etish joiz, zarbalar ketma-ketligi natijasida Reyesning burni ham sindi.
Jang videosini bu yerda ko‘rish mumkin → havola.
Eslatib o‘tamiz, avvalroq yarim yengil vazn toifasida Zubayra Tuxugovning kanadalik Hakim Davoduga yutqazib qo‘yganligi haqida xabar berilgandi.
UFC 253 ning yakuniga yetgan janglari natijasi:
- Yan Blaxovich (27-8) 2-raundda Dominik Reyesni (12-2) nokautga uchratdi;
- Brendon Royvel (12-4) 2-raunddayoq Kay Kara-Fransni (21-9) taslim qildi;
- Ketlin Viyeyra (11-1) ochkolar evaziga Sijara Yubenksdan (7-5) ustun keldi;
- Hakim Davodu (12-1-1) ochkolar evaziga Zubayra Tuxugovni (19-5-1) taslim etdi;
- Bred Riddell (9-1) Aleks da Silvani (21-3) ochkolar evaziga mag‘lub etdi;
- Jeyk Mettyuz (17-4) Diyego Sanchesni (31-13) ochkolar evaziga taslim qildi;
- Lyudovit Kleyn (17-2) 1-raunddayoq Sheyn Yangni (13-5) nokautga uchratdi;
- Uilyam Nayt (9-1) ochkolar evaziga Aleksa Kamur (6-1) ustidan g‘alabaga erishdi;
- Xuan Espino (10-1) 1-raunddayoq Jeff Hyuz (10-4) ustidan g‘alaba qildi;
- Danilo Markes (10-2) ochkolar evaziga Hadis Ibragimovni (8-4) mag‘lub etdi;
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)