Futbol bo‘yicha Angliya Premyer Ligasining 3-turida “Chelsi” 26-sentabr, shanba kuni “Vest Bromvich” maydonida mehmon bo‘ldi.
Uchrashuvni hujumkor boshlagan londonliklar himoyadagi xato tufayli 4-daqiqadayoq o‘z darvozasidan to‘p olib chiqdi. 25-daqiqada Tiago Silvaning qo‘pol xatosidan keyin Kallum Robinson dubl qayd etgan holda ikkinchi golni urdi. Oradan uch daqiqa o‘tib Kayl Bartli hisobni yirik ko‘rinishga olib keldi.
Ikkinchi bo‘limni maydon egalar to‘liq chuqur himoyada o‘tkazdi. Londonliklar 55-daqiqaga kelib hisobni qisqartirishga muvaffaq bo‘ldi: Meyson Maunt uzoq masofadan kuchli zarba yo‘llab, chiroyli golga muallif bo‘ldi.
70-daqiqada Kallum Hadson-Odoi jamoasining chiroyli kombinatsiyasini gol bilan yakunladi. Hakam tomonidan qo‘shib berilgan vaqtda Temmi Abraham hisobni tenglashtirishga erishdi.
Shu tariqa “Chelsi” uchta turdan keyin 4 ochko to‘plashga erishdi. “Vest Bromvich” esa mavsumdagi ilk ochkosini qo‘lga kiritdi.
APL
3-tur bahsi
26-sentabr, shanba
“Vest Bromvich” — “Chelsi” 3:3
Gollar: 1:0 – 4 Robinson, 2:0 – 25 Robinson, 3:0 – 27 Bartli, 3:1 – 55 Maunt, 3:2 – 70 Hadson-Odoi, 3:3 – 90+3 Abraham.“Vest Bromvich”: Jonston, Bartli, O`Shi, Adjayi, Ferlong, Livermor, Diangana (Fillips, 74), Mateus Pereyra (Fild, 90), Soyers, Robinson (Robson-Kanu, 66), Taunsend.
“Chelsi”: Kabalyero, Alonso (Aspilikueta, 46), Kristensen, Tiago Silva (Jiru, 73), Jeyms, Maunt, Kante, Haverts, Kovachich (Hadson-Odoi, 46), Verner, Abraham.
Ogohlantirishlar: Alonso (8), Jeyms (27), Ferlong (82), Kristensen (86).
“Kristal Pelas” — “Everton” 1:2
Gollar: 0:1 – 10 Kelvert-Lyuin, 1:1 – 26 Kuyate, 1:2 – 40, penalti Risharlison.“Kristal Pelas”: Guaita, Sako, Mitchell, Uord, Kuyate, Taunsend, Eze (Batshuayi, 75), Makkarti, Makartur (Ridevald, 88), Zaha, Ayyu (Benteke, 82).
“Everton”: Pikford, Koulmen, Din, Kin, Mina, Allan, Dukure, Andre Gomesh (Sigurdsson, 76), Xames (Ivobi, 86), Kelvert-Lyuin, Risharlison (Devis, 90).
Ogohlantirishlar: Zaa (23), Makartur (45), Uord (58), Risharlison (60).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)