Futbol bo‘yicha Italiya chempionatining 2-turidan o‘rin olgan 26-sentabr, shanba kuni o‘yinlar o‘z yakuniga yetdi.
“Inter” o‘z uyida “Fioretina”ni qabul qildi. Gollarga boy bo‘lgan bahsda milanliklarning qo‘li baland keldi. Dastlab mehmonlar 3-daqiqadayoq Kristian Kuamening golidan keyin oldinga o‘tib oldi. Bunga bo‘lim so‘ngida Lautaro Martines o‘zining aniq zarbasi bilan javob berdi.
Ikkinchi bo‘lim debyutidagi avtogol evaziga mezbonlar hisobda oldinga chiqib oldi. Oradan ko‘p o‘tmay florensiyaliklar Gaetano Kastrovilli va Federiko Kyezaning gollaridan keyin vaziyatni o‘z tomoniga og‘dirdi.
Uchrashuv yakunlanishi arafasida Romelu Lukaku va Danilo D′Ambrozio tomonidan kiritilgan to‘plar “Inter”ga g‘alaba keltirdi.
“Atalanta” Turinga safar qilib, “Torino” bilan bahs yuritdi. Gollarga boy bo‘lgan bahsda bergamoliklar irodali g‘alabaga erishdi. “Latsio” esa mehmonda “Kalyari”ni taslim etdi. “Sampdoriya” ikki to‘p farqi bilan oldinda borib o‘yin yakunida “Benevento”ga imkoniyatni boy berib qo‘ydi.
A Seriya
2-tur bahslari
26-sentabr, shanba
“Inter” — “Fiorentina” 4:3
Gollar: 0:1 – 3 Kuame, 1:1 – 45 Martines, 2:1 – 52, avtogol Chekkerini, 2:2 – 57 Kastrovilli, 2:3 – 63 Keza, 3:3 – 87 Lukaku, 4:3 – 89 D`Ambrozio.“Inter”: Handanovich, D`Ambrozio, Bastoni, Kolarov, Yang (Hakimi, 65), Barella (Nainggolan, 74), Brozovich (Vidal, 75), Perishich (Sanches, 78), Eriksen (Sensi, 64), Lukaku, Martines.
“Fiorentina”: Drongovski, Milenkovich, Chekkerini, Kaseres, Kyeza (Lirola, 69), Bonaventura (Valero, 61), Amrabat, Kastrovilli, Biragi, Kuame (Vlaxovich, 61), Riberi (Kutrone, 83).
Ogohlantirishlar: Barella (7), Chekkerini (32).
“Torino” — “Atalanta” 2:4
Gollar: 1:0 – 11 Belotti, 1:1 – 13 Gomes, 1:2 – 21 Muriel, 1:3 – 42 Xatebur, 2:3 – 43 Belotti, 2:4 – 54 de Ron.“Kalyari” — “Latsio” 0:2
Gollar: 0:1 – 4 Latssari, 0:2 – 74 Immobile.“Sampdoriya” — “Benevento” 2:3
Gollar: 1:0 – 8 Kualyarella, 2:0 – 18 Kolli, 2:1 – 33 Kaldirola, 2:2 – 72 Kaldirola, 2:3 – 88 Letitsia.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)