Futbol bo‘yicha Osiyo Chempionlar Ligasining nimchorak finalida “Paxtakor” 26-sentabr, shanba kuni “Istiqlol”ga qarshi bahs olib bordi.
Uchrashuvning dastlabki daqiqalari “Paxtakor”ning katta ustunligi ostida o‘tdi. Biroq “sherlar” yaratilgan vaziyatlarni golga aylantira olmadi. 32-daqiqada forslar hisobda oldinga o‘tib olishga erishdi: Ali Karimi jarima zarbasini muvaffaqiyatli bajardi.
Bunga “Paxtakor” 43-daqiqada Dragan Cheranning goli bilan javob qaytardi. Ikkinchi bo‘lim debyutida Eren Derdiyok Toshkent klubining tezkor hujumini gol bilan yakunladi.
Qolgan vaqtda “Paxtakor” tehronliklarga imkoniyat qoldirmadi va hisob o‘yin yakuniga qadar saqlanib qoldi.
Shu tariqa “Paxtakor” Osiyo Chempionlar Ligasining chorak finaliga yo‘l oldi.
OChL
1/8 final
26-sentabr, shanba
“Paxtakor” O‘zbekiston — “Istiqlol” Eron 2:1
Gollar: 0:1 – 32 Karimi, 1:1 – 43 Cheran, 2:1 – 47 Derdiyok.“Paxtakor”: Eldorbek Suyunov, Hojiakbar Alijonov (Abror Ismoilov, 90+2), Anzur Ismoilov, Jaloliddin Masharipov, Dragan Cheran, Yegor Krimets, 17.Dostonbek Hamdamov (Javohir Sidiqov, 73), Odiljon Hamrobekov, Sardor Sobirxo‘jayev (Vladimir Kozak, 84), Farruh Sayfiyev (Sherzod A’zamov, 90+2), Eren Derdiyok (Igor Sergeyev, 73).
“Istiqlol”: Saidhussayn Hussayni, Milad Zakipuri, Ruzbeh Chashmi, Aref Qulami, Ali Karimi, Sheyk Diabate, Farshid Ismoili (Zakaria Moradi, 68), Mehdi Gayedi, Mas’ud Riki (Farshid Bageri, 79), Muhammad Danashgar, Amirarsalan Motahhari (Arash Rezavand, 53).
Ogohlantirishlar: Mottahhari (4), Krimets (5), Danashgar (74), Rezavand (77), Suyunov (85), Zakipuri (87), Sayfiyev (90), G‘ayedi (90+2).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)