Тошкент вақти билан 27 сентябрь, якшанба тонгида Абу-Дабидаги (БАА) «Жангчилар ороли»да UFC 253 мусобақаси доирасида ярим оғир вазн тоифасида Жон Жонсдан сўнг вакант қолган чемпионлик камари учун америкалик Доминик Рейес (12-2) ҳамда полшалик Ян Блахович (27-8) ўзаро тўқнаш келди.
Жангнинг 1-раунди тенг курашлар остида кечди. Иккинчи раундни эса Блахович жуда фаол бошлади ва кетма-кет кучли зарбалар берди. Натижада Ян Доминикни техник нокаутга учратди. Қайд этиш жоиз, зарбалар кетма-кетлиги натижасида Рейеснинг бурни ҳам синди.
Жанг видеосини бу ерда кўриш мумкин → ҳавола.
Эслатиб ўтамиз, аввалроқ ярим енгил вазн тоифасида Зубайра Тухуговнинг канадалик Ҳаким Даводуга ютқазиб қўйганлиги ҳақида хабар берилганди.
UFC 253 нинг якунига етган жанглари натижаси:
- Ян Блахович (27-8) 2-раундда Доминик Рейесни (12-2) нокаутга учратди;
- Брендон Ройвел (12-4) 2-раунддаёқ Кай Кара-Францни (21-9) таслим қилди;
- Кетлин Виейра (11-1) очколар эвазига Сижара Юбенксдан (7-5) устун келди;
- Ҳаким Даводу (12-1-1) очколар эвазига Зубайра Тухуговни (19-5-1) таслим этди;
- Бред Ридделл (9-1) Алекс да Сильвани (21-3) очколар эвазига мағлуб этди;
- Жейк Мэттьюз (17-4) Диего Санчесни (31-13) очколар эвазига таслим қилди;
- Людовит Клейн (17-2) 1-раунддаёқ Шейн Янгни (13-5) нокаутга учратди;
- Уильям Найт (9-1) очколар эвазига Алекса Камур (6-1) устидан ғалабага эришди;
- Хуан Эспино (10-1) 1-раунддаёқ Жефф Хьюз (10-4) устидан ғалаба қилди;
- Данило Маркес (10-2) очколар эвазига Ҳадис Ибрагимовни (8-4) мағлуб этди;
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)