Futbol bo‘yicha Germaniya chempionatining 2-turidan o‘rin olgan 26-sentabr, shanba kungi bir qator o‘yinlar yakunlandi.
Dortmundning “Borussiya”si “Augsburg” maydonida mehmon bo‘ldi va kutilmagan mag‘lubiyatni qabul qilib oldi. Uchrashuvning 40-daqiqasida Feliks Uduoxay maydon egalarini oldinga olib chiqdi. Ikkinchi bo‘lim debyutida esa Kalijuri hisobni 2:0 ko‘rinishiga olib keldi. Uchrashuv mobaynida bir necha qulay imkoniyatlarga ega bo‘lgan dortmundliklar raqib darvozasiga yo‘l topa olmadi.
Turning markaziy o‘yinlaridan biri Leverkuzenda kechdi. Unda “Bayer” jamoasi “Leypsig”ni qabul qildi. 14-daqiqada “buqalar” Emil Forsbergning golidan keyin hisobni ochgan bo‘lsa, 20-daqiqada Kerem Demirbay hisobni tenglashtirdi. Mazkur hisob uchrashuv yakuniga qadar o‘zgarmay qoldi.
Myunxengladbaxning “Borussiya”si o‘z uyida “Union” bilan durang o‘ynagan bo‘lsa, “Kyoln” safarda liga debyutanti “Arminiya”ga imkoniyatni boy berib qo‘ydi. “Shtutgart” jamoasi “Mayns” maydonidan yirik g‘alaba bilan qaytdi.
Bundesliga
2-tur bahslari
26-sentabr, shanba
“Augsburg” — “Borussiya D” 2:0
Gollar: 1:0 – 40 Uduoxay, 2:0 – 54 Kalijuri.“Augsburg”: Gikevich, Uduoxay, Gaueleu, Yago, Framberger, Kalijuri, Xedira (Oksford, 63), Grueso (Shtrobl, 90), Xan (Suxi, 90), Niderlexner (Finnbogason, 62), Gregorich (Yensen, 57).
“Borussiya D”: Byurki, Menye (Reynyer, 69), Akanji, Hummels, Gerreyru (Brandt, 60), Vitsel (Daud, 83), Jan, Reyna, Bellinghem (Roys, 60), Sancho, Holand.
Ogohlantirishlar: Gregorich (29), Xedira (30), Holand (30), Gaueleu (31), Menye (38), Vitsel (71), Jan (76).
“Bayer” — “Leypsig” 1:1
Gollar: 0:1 – 14 Forsberg, 1:1 – 20 Demirbay.“Borussiya M” — “Union Berlin” 1:1
Gollar: 1:0 – 56 Tyuram, 1:1 – 79 Shlotterbek.“Arminiya” — “Kyoln” 1:0
Gol: 1:0 – 78 Edmundsson.“Mayns” — “Shtutgart” 1:4
Gollar: 1:0 – 13 Kvayson, 1:1 – 45 Vamangituka, 1:2 – 61 Didavi, 1:3 – 80 Klimovich, 1:4 – 86 Kalaydjich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)