Futbol bo‘yicha Osiyo Chempionlar Ligasida 1/8 final bahslari 26-sentabr, shanba kuni start oldi.
Nimchorak finalning ilk o‘yini Saudiya Arabistonining “Al-Ahli” va BAAning “Shabob al-Ahli” jamoalari o‘rtasida kechdi. Dastlab o‘zbekistonlik yarim himoyachi Aziz G‘aniyev 28-daqiqada uzoq masofadan aniq zarba yo‘llab, dubayliklarni oldinga olib chiqdi.
Ikkinchi bo‘lim debyutida saudiyaliklar penalti ishlab oldi. Uni suriyalik hujumchi Umar as-Soma aniq ijro etib, muvozanatni tikladi. Mazkur hisob o‘yin yakuniga qadar saqlanib qoldi.
Qo‘shimcha bo‘limlar bo‘limlar ham g‘olib nomi aniq bo‘lmagach, penaltilar seriyasiga murojaat qilindi. Unda Jidda klubining qo‘li baland keldi.
G‘aniyev uchrashuvda to‘liq qatnashdi va penaltilar seriyasida ham o‘z imkoniyatini ko‘kka sovurmadi.
Shu tariqa “Al-Ahli” ilk chorak finalchiga aylandi. “Paxtakor” joylashgan guruhda harakat qilgan va “Al-Hilol”ning musobaqadan chetlatilgani sabab pley-off yo‘llanmasiga ega bo‘lgan “Shabob al-Ahli” esa musobaqadagi yurishini to‘xtatdi.
OChL
1/8 final bahsi
26-sentabr, shanba
“Al-Ahli” — “Shabob al-Ahli” 1:1
Penaltilar seriyasi: 4:3Gollar: 0:1 – 28 Aziz G‘aniyev, 1:1 – 55, penalti Umar as-Soma.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)