Futbol bo‘yicha Belarus chempionatining 25-turida “Energetik-BGU” 25-sentabr, shanba kuni “Isloch”ni qabul qildi.
Uchrashuvning 39-daqiqasida maydon egalari Jeremi Mavatuning golidan keyin oldinga o‘tib oldi. Shundan keyin mehmonlar bosimni kuchaytirdi va minskliklar darvozasi oldida bir qator qulay imkoniyatlarga ega bo‘ldi.
80-daqiqaga kelib, Momo Yansane muvozanatni tiklashga muvaffaq bo‘ldi. Qolgan vaqtda hisob o‘zgarmadi.
Mazkur bahsda o‘zbekistonlik futbolchilar Shahboz Umarov va Humoyunmirzo Iminov ishtirok etdi. Umarov asosiy tarkibda maydonga tushib 72 daqiqa o‘ynagan bo‘lsa, Iminov ikkinchi bo‘lim boshida zaxiradan o‘yinga qo‘shildi.
“Isloch” 42 ochko bilan 4-o‘rinda bormoqda, “Talabalar” esa (35) 5-pog‘onadan joy olgan.
Belarus Oliy Ligasi
25-tur bahsi
26-sentabr, shanba
“Energetik-BGU” — “Isloch” 1:1
Gollar: 1:0 – 39 Mavatu, 1:1 – 80 Yansane.“Energetik-BGU”: Makavchik, Sokol, Miroshnikov (Shkurdyuk, 74), Mavatu, Svirepa, Girs, Bashilov, Bakich, Nosko, Umarov (Sovpel, 72), Musaxanyan (Iminov, 46).
“Isloch”: Xatkevich, Stiven, Papush, Karpovich, Ribak, Yusov, Patotskiy, Yanushkevich, Komarovskiy, Makas (Nivaldo, 68), Yansane.
Ogohlantirishlar: Yusov (8), Mavatu (24), Bashilov (54), Ribak (60),
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)