Футбол бўйича Осиё Чемпионлар Лигасида 1/8 финал баҳслари 26 сентябрь, шанба куни старт олди.
Нимчорак финалнинг илк ўйини Саудия Арабистонининг «Ал-Аҳли» ва БААнинг «Шабоб ал-Аҳли» жамоалари ўртасида кечди. Дастлаб ўзбекистонлик ярим ҳимоячи Азиз Ғаниев 28-дақиқада узоқ масофадан аниқ зарба йўллаб, дубайликларни олдинга олиб чиқди.
Иккинчи бўлим дебютида саудияликлар пенальти ишлаб олди. Уни суриялик ҳужумчи Умар ас-Сома аниқ ижро этиб, мувозанатни тиклади. Мазкур ҳисоб ўйин якунига қадар сақланиб қолди.
Қўшимча бўлимлар бўлимлар ҳам ғолиб номи аниқ бўлмагач, пенальтилар сериясига мурожаат қилинди. Унда Жидда клубининг қўли баланд келди.
Ғаниев учрашувда тўлиқ қатнашди ва пенальтилар сериясида ҳам ўз имкониятини кўкка совурмади.
Шу тариқа «Ал-Аҳли» илк чорак финалчига айланди. «Пахтакор» жойлашган гуруҳда ҳаракат қилган ва «Ал-Ҳилол»нинг мусобақадан четлатилгани сабаб плей-офф йўлланмасига эга бўлган «Шабоб ал-Аҳли» эса мусобақадаги юришини тўхтатди.
ОЧЛ
1/8 финал баҳси
26 сентябрь, шанба
«Ал-Аҳли» — «Шабоб ал-Аҳли» 1:1
Пенальтилар серияси: 4:3Голлар: 0:1 – 28 Азиз Ғаниев, 1:1 – 55, пенальти Умар ас-Сома.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)