Футбол бўйича Германия чемпионатининг 2-туридан ўрин олган 26 сентябрь, шанба кунги бир қатор ўйинлар якунланди.
Дортмунднинг «Боруссия»си «Аугсбург» майдонида меҳмон бўлди ва кутилмаган мағлубиятни қабул қилиб олди. Учрашувнинг 40-дақиқасида Феликс Удуохай майдон эгаларини олдинга олиб чиқди. Иккинчи бўлим дебютида эса Калижури ҳисобни 2:0 кўринишига олиб келди. Учрашув мобайнида бир неча қулай имкониятларга эга бўлган дортмундликлар рақиб дарвозасига йўл топа олмади.
Турнинг марказий ўйинларидан бири Леверкузенда кечди. Унда «Байер» жамоаси «Лейпциг»ни қабул қилди. 14-дақиқада «буқалар» Эмиль Форсбергнинг голидан кейин ҳисобни очган бўлса, 20-дақиқада Керем Демирбай ҳисобни тенглаштирди. Мазкур ҳисоб учрашув якунига қадар ўзгармай қолди.
Мюнхенгладбахнинг «Боруссия»си ўз уйида «Унион» билан дуранг ўйнаган бўлса, «Кёльн» сафарда лига дебютанти «Арминия»га имкониятни бой бериб қўйди. «Штутгарт» жамоаси «Майнц» майдонидан йирик ғалаба билан қайтди.
Бундеслига
2-тур баҳслари
26 сентябрь, шанба
«Аугсбург» — «Боруссия Д» 2:0
Голлар: 1:0 – 40 Удуохай, 2:0 – 54 Калижури.«Аугсбург»: Гикевич, Удуохай, Гауэлеу, Яго, Фрамбергер, Калижури, Хедира (Оксфорд, 63), Груэсо (Штробл, 90), Хан (Сухи, 90), Нидерлехнер (Финнбогасон, 62), Грегорич (Йенсен, 57).
«Боруссия Д»: Бюрки, Менье (Рейнер, 69), Аканжи, Ҳуммелс, Геррейру (Брандт, 60), Витцель (Дауд, 83), Жан, Рейна, Беллингҳем (Ройс, 60), Санчо, Ҳоланд.
Огоҳлантиришлар: Грегорич (29), Хедира (30), Ҳоланд (30), Гауэлеу (31), Менье (38), Витцель (71), Жан (76).
«Байер» — «Лейпциг» 1:1
Голлар: 0:1 – 14 Форсберг, 1:1 – 20 Демирбай.«Боруссия М» — «Унион Берлин» 1:1
Голлар: 1:0 – 56 Тюрам, 1:1 – 79 Шлоттербек.«Арминия» — «Кёльн» 1:0
Гол: 1:0 – 78 Эдмундссон.«Майнц» — «Штутгарт» 1:4
Голлар: 1:0 – 13 Квайсон, 1:1 – 45 Вамангитука, 1:2 – 61 Дидави, 1:3 – 80 Климович, 1:4 – 86 Калайджич.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)