“O‘zbekkino” milliy agentligi buyurtmasiga binoan “Multiplikatsion filmlar studiyasi” DUK tomonidan “Jasur Qutqarboyev” nomli animatsion serial ustida ish olib borilmoqda.
Mazkur multserial dovyurak Jasur Qutqarboyev hamda opa-uka Nigora va Alisherning qiziqarli sarguzashtlari haqida hikoya qiladi. Yana bosh qahramon Jasur Qutqarboyevning mardligi, halolligi, doimo aql bilan ish yuritishi kabi ijobiy fazilatlari ochib berilgan. Shuningdek, multserial orqali yo‘l qoidalariga muntazam amal qilish lozimligi uqtiriladi. Serialning har bir qismi 5-6 daqiqadan iborat.
Postanovkachi rejissor va rassom Shuhrat Yo‘ldoshev, film direktori Olga Rahmatova, animatorlar Temur Xoliqov hamda Behzod Mannonov.
“Jasur Qutqarboyev” multserialining premyerasi dekabr oyida bo‘lib o‘tishi rejalashtirilgan.
Izoh (0)