Farzand ne’matidan baxtiyor Maryam, “Turkiyaning eng go‘zal aktrisasi” muhokama markazida. Turk kinosi yangiliklari

Turk matbuoti yulduzlar faoliyatini nazardan chetda qoldirmaydi. Bu orqali barchaga qiziq bo‘lgan yangiliklardan osongina xabardor bo‘lish mumkin.

Maryam Uzerli “Hurriyat” gazetasiga bergan intervyusida, bolalarni yolg‘iz tarbiyalashdagi muammolar haqida shunday dedi: “Har kimning o‘z hayoti bor. Men o‘z hayotim haqida gapiraman. Hamisha nima bo‘lishiga qaramay, Alloh yonimda ekanligini sezaman. Farzand – eng oliy ne’mat, uni dunyoga keltirish mo‘jizaning o‘zi. Birov birovning hayotini muhokama qilishga haqqi yo‘q, bu gunoh ish. Muhabbat, ishonch va kuchning o‘zi yetarli. Minnatdorlik meni shu qadar kuchli qiladiki, boshqa ovozlar va fikrlar meni sindira olmaydi. Agar o‘zingiz mo‘jiza bo‘lishini istasangiz, unda hayot siz uchun ko‘plab eshiklarni ochadi”.

Kivanch Tatlitug‘ harbiy transport vositasiga o‘xshash treyler egasiga aylandi. Uyning tomida kuchli quyosh panellari o‘rnatilgan bo‘lib, uning ichida dam olish va kundalik hayot uchun zarur bo‘lgan barcha narsalar mavjud. Treylerning narxi 750 ming turk lirasi ( 98 159 dollar)ni tashkil etadi. U rafiqasi Bashak Dizer bilan ta’tilga chiqishdan avval yuk mashinalarini boshqarish uchun C toifali haydovchilik guvohnomasini olishi kerak.

Sinem Kobal va Kenan Imirzalio‘g‘li tez orada farzandli bo‘ladi. Sinem homiladorlikning baxtli onlarini saqlab qolish uchun o‘z uyining bog‘ida kichik fotosessiya tashkil etishga qaror qildi.

OAV “Turkiyaning eng go‘zal aktrisasi” Xande Erchel haqida yangilik chiqarishga harakat qildi, ammo bu amalga oshmadi. Aktrisani uy hayvoni bilan Nishantashi tumanida ko‘rishdi. Xariddan so‘ng aktrisa mashinasiga o‘tirgan, niqob taqqan Xandening shlyapasi va ustidagi libosi muhokamaga sabab bo‘lgan.

Xande Erchel va Murat Dalkilich o‘zaro tanishlarning to‘yiga taklif qilindi. Jurnalistlar Dalkilich sahnada qo‘shiq kuylayotganida Xandening befarq nigohiga e’tibor qaratdi.

Nikoh marosimi yakunidan so‘ng aktrisa jurnalistlarning savollariga javob berdi: “Bir-birimiz bilan xafagarchilik yo‘q. Bizni tez-tez birga uchratishingiz mumkin, sababi umumiy tanishlarimiz ko‘p”. Jurnalistlarning fikriga ko‘ra, juftlik Xandening Murat Dalkilichning farzand mavzusiga rad javobi tufayli ajrashgan.

O‘zjan Deniz va Irem Xelvajio‘g‘li suratga olish guruhi bilan birgalikda “Men seni uzoq kutdim” serialining ssenariysi ustida ish boshladi

Beren Saat va Kenan Doguluning yangi surati.

Biran Damla Yilmaz va Ilker Kaleli qisqa munosabatdan so‘ng ajraldi. Aktrisa ajralish haqidagi xabarni quyidagicha izohladi: “Bizning qarashlarimiz turlicha edi”. Shuningdek, juftlikning ayrilig‘iga ikkisining ham bir-biriga vaqt ajratmaganligi sabab bo‘lgan.

Kadir Dogulu tez orada yangi “Quyosh tutilishi” loyihasi bilan ekranga qaytadi, u filmda bosh rolni ijro etadi.

So‘nggi kunlarda Fahriye Evjenning onasi Xatima ijtimoiy tarmoqlarning bosh mavzusiga aylangan. Aktrisaning muxlislari u go‘zalligini onasidan olgan, degan fikrda.

Shuningdek, Neslihan Atagulning onasi ham e’tibordan chetda qolmagan.