«Ўзбеккино» миллий агентлиги буюртмасига биноан «Мультипликацион фильмлар студияси» ДУК томонидан «Жасур Қутқарбоев» номли анимацион сериал устида иш олиб борилмоқда.
Мазкур мультсериал довюрак Жасур Қутқарбоев ҳамда опа-ука Нигора ва Алишернинг қизиқарли саргузаштлари ҳақида ҳикоя қилади. Яна бош қаҳрамон Жасур Қутқарбоевнинг мардлиги, ҳалоллиги, доимо ақл билан иш юритиши каби ижобий фазилатлари очиб берилган. Шунингдек, мультсериал орқали йўл қоидаларига мунтазам амал қилиш лозимлиги уқтирилади. Сериалнинг ҳар бир қисми 5-6 дақиқадан иборат.
Постановкачи режиссёр ва рассом Шуҳрат Йўлдошев, фильм директори Ольга Раҳматова, аниматорлар Темур Холиқов ҳамда Беҳзод Маннонов.
«Жасур Қутқарбоев» мультсериалининг премьераси декабрь ойида бўлиб ўтиши режалаштирилган.
Изоҳ (0)