O‘zbekistonda avgust oyida ko‘proq Cobalt avtomobili ishlab chiqarildi

O‘zbekistonda avgust oyida 7301 dona Cobalt avtomobili ishlab chiqarildi. Davlat statistika qo‘mitasi ma’lumotlariga ko‘ra, bu ko‘rsatkich o‘tgan oyga nisbatan 82 taga ko‘p.

Qayd etilishicha, 2020-yil yanvaridan buyon, ya’ni 8 oy davomida esa jami 52 202 ta Cobalt avtomobili ishlab chiqarilgan bo‘lib, o‘tgan yilning shu davriga nisbatan 144,9 foizlik o‘sish qayd etildi.

Shuningdek, yanvar—avgust oylarida 46 904 ta Nexia T-250 (93,6 foiz), 35 150 ta Lacetti-Gentra (127,9 foiz), 35 322 ta Damas (110,2 foiz), 18 275 ta Spark (128,6 foiz) va 5327 ta Labo (105,7 foiz) avtomobillari ishlab chiqarilgan.

Eslatib o‘tamiz, iyun oyida ham O‘zbekistonda Cobalt avtomobili eng ko‘p ishlab chiqarilgandi.