Ўзбекистонда август ойида 7301 дона Cobalt автомобили ишлаб чиқарилди. Давлат статистика қўмитаси маълумотларига кўра, бу кўрсаткич ўтган ойга нисбатан 82 тага кўп.
Қайд этилишича, 2020 йил январидан буён, яъни 8 ой давомида эса жами 52 202 та Cobalt автомобили ишлаб чиқарилган бўлиб, ўтган йилнинг шу даврига нисбатан 144,9 фоизлик ўсиш қайд этилди.
Шунингдек, январь—август ойларида 46 904 та Nexia Т-250 (93,6 фоиз), 35 150 та Lacetti-Gentra (127,9 фоиз), 35 322 та Damas (110,2 фоиз), 18 275 та Spark (128,6 фоиз) ва 5327 та Labo (105,7 фоиз) автомобиллари ишлаб чиқарилган.
Эслатиб ўтамиз, июнь ойида ҳам Ўзбекистонда Cobalt автомобили энг кўп ишлаб чиқарилганди.
Изоҳ (0)