Buxoro viloyati Romitan tumanida Toyota avtomobilida to‘yga ketayotgan fuqaro boshqaruvni yo‘qotib, yo‘l-transport hodisasiga uchradi. Oqibatda ikki kishi vafot etdi. Bu haqda Tergov departamenti xabar berdi.
Ma’lum qilinishicha, 4-sentabr kuni soat 07:00 da 29 yoshli K.A. Toyota avtomobilini A-380 Xorazm—Buxoro yo‘li bo‘ylab boshqarib, mazkur yo‘lning Romitan tumani hududidan o‘tgan 324-kilometriga yetganida to‘satdan boshqaruvni yo‘qotgan. Natijada mashina yo‘lning chap tomoniga chiqib ketgan va ag‘darilib, yo‘l transport hodisasi sodir etgan.
YTH oqibatida avtomashina haydovchisi K.A. va 33 yoshli yo‘lovchi S.M. hodisa joyida vafot etgan, salonda bo‘lgan ikkinchi yo‘lovchi 36 yoshli Sh.R. og‘ir tan jarohati olib, tibbiyot muassasasiga yotqizilgan.
Mazkur holat yuzasidan Buxoro viloyat IIB huzuridagi Tergov boshqarmasi tomonidan O‘zbekiston Respublikasi Jinoyat kodeksining 266-moddasi 3-qismi “a” bandi (odamlar o‘limiga sabab bo‘lgan, transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Mavzuga doir:
- Toshkentda 18 yoshli yigit Lacetti’da yosh ona va uning 2 yoshli qizini urib ketdi. Jabrlanuvchilar voqea joyida vafot etgan
- Toshkentda Lacetti urib yuborgan YPX inspektori shifoxonada vafot etdi
- Namanganda yuz bergan YTHda to‘rt kishi halok bo‘ldi
- Jizzaxda yuk mashinalarining to‘qnashuvi oqibatida bir yo‘lovchi halok bo‘ldi
Izoh (0)