Бухоро вилояти Ромитан туманида Toyota автомобилида тўйга кетаётган фуқаро бошқарувни йўқотиб, йўл-транспорт ҳодисасига учради. Оқибатда икки киши вафот этди. Бу ҳақда Тергов департаменти хабар берди.
Маълум қилинишича, 4 сентябрь куни соат 07:00 да 29 ёшли К.А. Toyota автомобилини А-380 Хоразм—Бухоро йўли бўйлаб бошқариб, мазкур йўлнинг Ромитан тумани ҳудудидан ўтган 324-километрига етганида тўсатдан бошқарувни йўқотган. Натижада машина йўлнинг чап томонига чиқиб кетган ва ағдарилиб, йўл транспорт ҳодисаси содир этган.
ЙТҲ оқибатида автомашина ҳайдовчиси К.А. ва 33 ёшли йўловчи С.М. ҳодиса жойида вафот этган, салонда бўлган иккинчи йўловчи 36 ёшли Ш.Р. оғир тан жароҳати олиб, тиббиёт муассасасига ётқизилган.
Мазкур ҳолат юзасидан Бухоро вилоят ИИБ ҳузуридаги Тергов бошқармаси томонидан Ўзбекистон Республикаси Жиноят кодексининг 266-моддаси 3-қисми «а» банди (одамлар ўлимига сабаб бўлган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Мавзуга доир:
- Тошкентда 18 ёшли йигит Lacetti’да ёш она ва унинг 2 ёшли қизини уриб кетди. Жабрланувчилар воқеа жойида вафот этган
- Тошкентда Lacetti уриб юборган ЙПХ инспектори шифохонада вафот этди
- Наманганда юз берган ЙТҲда тўрт киши ҳалок бўлди
- Жиззахда юк машиналарининг тўқнашуви оқибатида бир йўловчи ҳалок бўлди
Изоҳ (0)