Italiyada eski namunadagi mahalliy raqamlar taqilgan “GAZ-69” sotuvga qo‘yildi. Sotuvchi sobiq Sovet davriga tegishli avtomobilni 6 ming dollarga sotishga tayyor. Rossiyada esa ushbu pulga yangi Lada Granta xarid qilish mumkin, deb xabar beradi Motor.
Mazkur mashina Ulyanovsk avtomobil zavodida ishlab chiqarilgan bo‘lib, Yevropaga 1973-yilda mutlaqo yangi holatda olib kelingan. Sotuvga qo‘yilgan nusxaning so‘ziga xosligi — to‘liq metall kuzovida uchta eshik mavjudligida — bu kabi model seriyali ishlab chiqarilmagan. Taxminlarga ko‘ra, bu mahalliy distribyutorlarning ishi.
Bundan tashqari, ushbu “GAZ-69”ning 2,1 litrli benzin dvigateli olib tashlanib, o‘rniga Perkins firmasining 1,8 litrli dizel atmosfera motori o‘rnatilgan. Mashina hozirga qadar 336 ming kilometr yo‘l bosgan.
Avvalroq saloni oq timsoh terisi bilan qoplangan “Volga” sotuvga qo‘yilgani to‘g‘risida xabar berilgandi.
Izoh (0)