“Zenit” himoyachisi Deyan Lovren Xorvatiya va Ispaniya terma jamoalari o‘rtasidagi o‘yinda “Real” himoyachisi Serxio Ramosni tirsagi bilan urganini yodga oldi.
Ehtimol, Ramosni ataylab urgandirman, chunki u do‘stim Salohni jarohatlagandi. Menimcha, Ramos Muhammadni ataylab jarohatlagan, shuning uchun uning xatti-harakatlari uchun javob berish vaqti kelgandi.Eslatib o‘tamiz, Chempionlar Ligasining 2017/18-yilgi mavsumi finalida Ramos Muhammad Salohga jarohat yetkazgandi, shundan so‘ng Saloh o‘yinni davom ettira olmagan. Uchrashuv esa 3:1 hisobida “Real” foydasiga hal bo‘lgandi.“Real” bilan o‘yinda Saloh jarohat olguniga qadar biz yaxshi o‘ynayotgandik. Uning almashtirilishi katta zarba bo‘ldi. Shundan so‘ng raqib ustunlik qila boshladi.
Luka Modrich Ispaniya bilan uchrashganimizda, men va Ramos o‘rtasidagi ziddiyatni kamaytirishga urindi. Ammo men uni ataylab tirsagim bilan urib, endi oramiz ochiq ekanligini aytdim.
Ramosni futbolchi sifatida hurmat qilaman. U ko‘plab sovrinlarni qo‘lga kiritgan. Boshqa tomondan, menga uning xulq-atvori yoqmaydi.
Deyan Lovren, futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)