«Зенит» ҳимоячиси Деян Ловрен Хорватия ва Испания терма жамоалари ўртасидаги ўйинда «Реал» ҳимоячиси Серхио Рамосни тирсаги билан урганини ёдга олди.
Эҳтимол, Рамосни атайлаб ургандирман, чунки у дўстим Салоҳни жароҳатлаганди. Менимча, Рамос Муҳаммадни атайлаб жароҳатлаган, шунинг учун унинг хатти-ҳаракатлари учун жавоб бериш вақти келганди.Эслатиб ўтамиз, Чемпионлар Лигасининг 2017/18 йилги мавсуми финалида Рамос Муҳаммад Салоҳга жароҳат етказганди, шундан сўнг Салоҳ ўйинни давом эттира олмаган. Учрашув эса 3:1 ҳисобида «Реал» фойдасига ҳал бўлганди.«Реал» билан ўйинда Салоҳ жароҳат олгунига қадар биз яхши ўйнаётгандик. Унинг алмаштирилиши катта зарба бўлди. Шундан сўнг рақиб устунлик қила бошлади.
Лука Модрич Испания билан учрашганимизда, мен ва Рамос ўртасидаги зиддиятни камайтиришга уринди. Аммо мен уни атайлаб тирсагим билан уриб, энди орамиз очиқ эканлигини айтдим.
Рамосни футболчи сифатида ҳурмат қиламан. У кўплаб совринларни қўлга киритган. Бошқа томондан, менга унинг хулқ-атвори ёқмайди.
Деян Ловрен, футболчи
Мавзуга доир: Кутиб олишга чиққан айиқ ва Салоҳнинг янги соч турмаги. Деян Ловрен «Зенит»даги илк кунида дўстига қўнғироқ қилди (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)