“Barselona” hujumchisi Lionel Messining klubdagi kelajagi hamon noma’lumligicha qolmoqda.
33 yoshli argentinalik futbolchi jamoaning yangi bosh murabbiyi Ronald Kuman bilan uchrashib, uning rejalarini muhokama qilgan.
Mutaxassis o‘z loyihasi haqida Messiga gapirib bergan. RAC1 xabariga ko‘ra, Messi Kumanga klubdagi kelajagi haqida aniq tasavvurga ega emasligini aytgan.
Futbolchi Chempionlar Ligasi doirasida o‘tkazilgan “Bavariya”ga qarshi o‘yindan (2:8) so‘ng klubdagi vaziyatdan noroziligini bildirib, Kataloniya klubini tark etish haqida o‘ylayotganini aniq ko‘rsatgan.
“Barselona” esa futbolchi bilan shartnoma borligini ta’kidlamoqda va hozircha Kuman va Messi o‘rtasidagi uchrashuv haqida hech qanday ma’lumot bermagan.
Mavzuga doir:
- Ronald Kuman: Messi — dunyoning eng yaxshi futbolchisi
- Leo Messi kelajagi borasida qaror qabul qildi, futbolchi shu yozda “Barselona”ni tark etmoqchi
- “Manchester Siti” Lionel Messini sotib olmoqchi. “Shaharliklar” uning uchun istalgan mablag‘ni to‘lashga tayyor
- Moliyaviy inqiroz, yoshlarga ishonch va Messisiz kelajak. Yangi “Barselona” qanday bo‘ladi?
Izoh (0)