Toshkent shahrida ikki fuqaroni 214 million so‘m pulini o‘z ehtiyoji uchun sarflab yuborgan MChJ direktori ushlandi, deb xabar bermoqda Tergov departamenti.
Ma’lum qilinishicha, 2019-yilning fevral oyidan may oyiga qadar bo‘lgan vaqt mobaynida 48 yoshli I.K. MChJ direktori va ta’sischisi sifatida imzo qo‘yish, kreditlarni taqsimlash huquqiga ega bo‘la turib, o‘zganing mulkini firibgarlik yo‘li bilan qo‘lga kiritish maqsadida, B.M. va Sh.A.ni ishonchiga kirib olgan.
I.K. ulardan qiymati 214 000 000 so‘mlik xomashyo mahsulotini qabul qilib olib, uni qayta ishlab chiqarib, pulini berishini va’da qilib, bergan va’dasini bajarmay, pullarni o‘z ehtiyoji uchun sarflab yuborgan.
Bundan tashqari, I.K. o‘zining jinoiy faoliyatini davom ettirib, MChJning direktori bo‘la turib, ushbu jamiyatning moliyaviy va buxgalterlik hujjatlari hamda shtamp-muhrlarini g‘arazli boshqa past niyatlarda qasddan bekitgan.
Mazkur holat yuzasidan Sergeli tumani bo‘yicha IIO FMB tomonidan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilib, tegishli tartibda hujjatli taftish tayinlangan. Hozirda tergov harakatlari davom etmoqda.
Mavzuga doir:
- Namanganda aholidan toza ichimlik suvi uchun yig‘ilgan 190 mln so‘m talon-toroj qilingani aniqlandi
- Toshkentda tunda oziq-ovqat do‘konidan 1 mln so‘m pul va 3 mln so‘mlik mahsulot o‘g‘irlagan namanganlik erkak qo‘lga olindi
- Sirdaryoda noqonuniy yo‘l bilan 500 mln so‘mdan ziyod mablag‘ni o‘zlashtirgan “Agrobank”ning tuman filiali rahbariga jinoyat ishi ochildi
Izoh (0)