Тошкент шаҳрида икки фуқарони 214 миллион сўм пулини ўз эҳтиёжи учун сарфлаб юборган МЧЖ директори ушланди, деб хабар бермоқда Тергов департаменти.
Маълум қилинишича, 2019 йилнинг февраль ойидан май ойига қадар бўлган вақт мобайнида 48 ёшли И.К. МЧЖ директори ва таъсисчиси сифатида имзо қўйиш, кредитларни тақсимлаш ҳуқуқига эга бўла туриб, ўзганинг мулкини фирибгарлик йўли билан қўлга киритиш мақсадида, Б.М. ва Ш.А.ни ишончига кириб олган.
И.К. улардан қиймати 214 000 000 сўмлик хом ашё маҳсулотини қабул қилиб олиб, уни қайта ишлаб чиқариб, пулини беришини ваъда қилиб, берган ваъдасини бажармай, пулларни ўз эҳтиёжи учун сарфлаб юборган.
Бундан ташқари, И.К. ўзининг жиноий фаолиятини давом эттириб, МЧЖнинг директори бўла туриб, ушбу жамиятнинг молиявий ва бухгалтерлик ҳужжатлари ҳамда штамп-муҳрларини ғаразли бошқа паст ниятларда қасддан бекитган.
Мазкур ҳолат юзасидан Сергели тумани бўйича ИИО ФМБ томонидан Жиноят кодексининг 168-моддаси 4-қисми «а» банди (жуда кўп миқдорда фирибгарлик) билан жиноят иши қўзғатилиб, тегишли тартибда ҳужжатли тафтиш тайинланган. Ҳозирда тергов ҳаракатлари давом этмоқда.
Мавзуга доир:
- Наманганда аҳолидан тоза ичимлик суви учун йиғилган 190 млн сўм талон-торож қилингани аниқланди
- Тошкентда тунда озиқ-овқат дўконидан 1 млн сўм пул ва 3 млн сўмлик маҳсулот ўғирлаган наманганлик эркак қўлга олинди
- Сирдарёда ноқонуний йўл билан 500 млн сўмдан зиёд маблағни ўзлаштирган «Агробанк»нинг туман филиали раҳбарига жиноят иши очилди
Изоҳ (0)