Farg‘ona viloyatining Rishton tumanida o‘zbek-tojik do‘stlik uyi qurildi, deya xabar beradi “Dunyo” agentligi.
Ma’lum qilinishicha, do‘stlik uyi ochilishida Farg‘ona viloyati hokimi Shuhrat G‘aniyev ham qatnashgan.
“Bu maskan madaniy kechalar – uchrashuvlar, she’r o‘qish, ma’rifiy suhbatlar o‘tkaziladigan ma’naviyat markaziga aylanishi kerak. Mana, katta zalning shiftida yilning to‘rt fasli tasvirlangan yog‘och o‘ymakorligi tasviriy san’ati. Shunday qilib, o‘zbek va tojik millatiga mansub yurtdoshlarimizning hayoti va mehnati shu to‘rt faslning g‘ildiragi kabi abadiydir”, – dedi Shuhrat G‘aniyev.
Shuningdek, ochilish marosimida Rishtonda istiqomat qiluvchi tojikistonlik fuqarolar ishtirok etgan.
Tadbir davomida Alisher Navoiy va Abdurahmon Jomiy asarlaridan parchalar o‘qildi. Ishtirokchilar o‘zbek-tojik do‘stlik uyi ikki xalqning ezgu tuyg‘ulari va umidlarining uyiga aylanishiga ishonch bildirdi.
Mavzuga doir:
Izoh (0)