Futbol bo‘yicha Xitoy Superligasining 1-turida “Shanxay SIPG” 27-iyul, dushanba kuni “Tyanszin Teda” maydoniga safar qildi.
Dastlab maydon egalari 6-daqiqada Jun Haoning golidan keyin oldinga o‘tib oldi. Bunga shanxayliklar uchta gol bilan javob qaytardi. 40-daqiqada Rikardo Lopes muvozanatni tiklagan bo‘lsa, oradan ko‘p o‘tmay Van Shenchao mehmonlarning ikkinchi golini urdi.
64-daqiqada Odil Ahmedovning uzatmasidan keyin Rikardo Lopes dublni rasmiylashtirib, yakuniy hisobni o‘rnatdi.
O‘zbekistonlik futbolchi uchrashuvning 68-daqiqasida zaxiraga olindi. Shu tariqa “Shanxay SIPG” mavsumni g‘alaba bilan boshladi.
Xitoy Superligasi
1-tur bahsi
27-iyul, dushanba
“Tyanszin Teda” — “Shanxay SIPG” 1:3
Gollar: 1:0 – 6 Jun Hao, 1:1 – 40 Rikardo Lopes, 1:2 – 44 Van Shenchao, 1:3 – 64 Rikardo Lopes.“Tyanszin Teda”: Du Szya, Chjao Hunlyue, Bay Yuefen, Jun Hao (Huey Szyakan, 80), Chen Kaymu, Lyu Yan, Lyu Jofan (Syan Yuymyao, 75), Syu Tyani, Go Hao, Achimpong, Syao Ji.
“Shanxay SIPG”: Yan Szyunlin, Van Shenchao, Shi Ke, Fu Huan (Lyuy Venszyun, 72), Yuy Hay, Odil Ahmedov (Arnautovich, 68), Oskar, Mirahmetjan Muzepper, Chen Binbin, Xalk, Rikardo Lopes.
Ogohlantirishlar: Fu Huan (5), Syao Ji (45).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)