Turinning “Yuventus” klubi A Seriyaning 36-turida “Sampdoriya”ni 2:0 hisobida mag‘lub etib, mavsum yakunlanishiga ikki tur qolganida chempionlik masalasini hal etib bo‘ldi.
“Keksa sinyora”ning 35 yoshli hujumchisi Krishtianu Ronaldu uchun bu “Yuventus” safidagi ketma-ket ikkinchi chempionlik va uchinchi sovrin bo‘ldi. Ronaldu jamoasi bilan 2018-yilda Italiya Superkubogida ham g‘alaba qozongandi.
Ronalduning “El-Klasiko”lardagi top-5 golini tomosha qiling (video)
Umumiy qilib olganda portugaliyalik futbolchi faoliyati davomida 32 ta sovrinni qo‘lga kiritgan. “Sporting” safida 1 ta, “Manchester Yunayted”da 10 ta, “Real”da 16 ta, “Yuventus”da 3 bor turli musobaqalarda g‘olib bo‘lgan. Shuningdek, u Portugaliya terma jamoasi bilan ham ikkita musobaqada zafar quchgan. Bular Yevro—2016 va Millatlar Ligasining 2018/2019-yilgi mavsumi.
Ronaldu 2018-yilning yozidan beri “Yuventus” sharafini himoya qilib keladi. “Yuventus” uning transfer uchun “Real”ga 117 million yevro bergandi. 2019/20-yilgi mavsum Ronaldu A Seriyaning 32 uchrashuvida 31 ta gol urdi va 6 ta golga hammualliflik qildi. Uning turinliklar bilan amaldagi shartnomasi 2022-yilning yozigacha amal qiladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)