“Yuventus” hujumchisi Krishtianu Ronaldu jamoasi bilan Italiya chempionligini qo‘lga kiritganidan so‘ng muxlislarga murojaat qildi.
“Bajarildi! Italiya chempioni bo‘ldik!
Ketma-ket ikkinchi marta chempion bo‘lganimdan xursandman va ushbu buyuk va ajoyib klub tarixini yaratishda davom etaman.
Ushbu sovrin “Yuventus”ning barcha muxlislari, xususan, barchamizni hayratda qoldirib, dunyoni tubdan o‘zgartirib yuborgan pandemiyadan aziyat chekayotganlarga bag‘ishlanadi.
Bu oson bo‘lmadi! Muxlislarning jasorati, mas’uliyati va qat’iyatliligi ushbu qiyin chempionatda va butun Italiyaga tegishli bo‘lgan mazkur chempionlik uchun kurashishimizda bizga muhim dalda bo‘ldi. Barchangizni qattiq quchib qolaman!” — deb yozadi Ronaldu Instagram’dagi sahifasida.
Turin klubi mavsum yakuniga yetishiga ikki tur qolganida “Sampdoriya”ni 2:0 hisobida mag‘lubiyatga uchratib, mamlakat chempionligini qo‘lga kiritdi.
Krishtianu Ronalduning “Alyans Stadium”dagi 7 ta esda qolarli gollarini tomosha qiling (video)
Ma’lumot o‘rnida, “Yuventus” Krishtianu Ronalduni 2018-yilning yozida 117 million yevro evaziga sotib olgan. Bu mavsumda 35 yoshli portugaliyalik hujumchining hisobida (A Seriyada) 32 uchrashuv, 31 ta gol va 6 ta golli uzatma bor. Uning klub bilan shartnomasi 2022-yilning yozigacha amal qiladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)