Hukumatning 1-iyuldagi qarori bilan Vazirlar Mahkamasi huzuridagi Davlat test markazi direktoriga yangi o‘rinbosar tayinlandi. Adliya vazirligi matbuot xizmat xabariga ko‘ra, ushbu lavozimni Sardor Rajabov egalladi.
Lavozimga tayinlangunga qadar Sardor Rajabov DTM markaziy apparatining Chet tilini bilish va egallash darajasini baholash boshqarmasi boshlig‘i lavozimida ishlab kelgan.
Avvalroq Ichki ishlar vazirligi tizimida lavozim tayinlovlari amalga oshirilgani, Oliy va o‘rta maxsus ta’lim vaziriga birinchi o‘rinbosar tayinlangani, Prezident administratsiyasi rahbari o‘rinbosari lavozimida ishlab kelgan Farhod Mahmudov O‘zbekiston Milliy teleradiokompaniyasi raisining birinchi o‘rinbosari etib tayinlangani haqida xabar berilgandi.
Shuningdek, Milliy mass-mediani qo‘llab-quvvatlash va rivojlantirish jamoat fondi direktori, bloger Xushnudbek Xudoyberdiyev O‘zbekiston Milliy axborot agentligi bosh direktori o‘rinbosari etib tayinlandi.
Izoh (0)