Prezidentning 29-iyundagi qarori bilan O‘ktam Salomov O‘zbekiston Oliy va o‘rta maxsus ta’lim vazirining birinchi o‘rinbosari lavozimiga tayinlandi, deb xabar bermoqda Adliya vazirligi matbuot xizmati.

Foto: Andijon mashinasozlik instituti matbuot xizmati

Lavozimga tayinlangunga qadar O‘ktam Salomov Toshkentdagi Turin politexnika universiteti rektori, undan avvalroq esa Andijon mashinasozlik instituti rektori lavozimida faoliyat yuritgan.

O‘ktam Salomov 1977-yilda Buxoro viloyatida tug‘ilgan. 1999-yilda Toshkent davlat universitetini tamomlagan. 2003-yilda O‘zbekiston Respublikasi Fanlar akademiyasi Issiqlik fizikasi bo‘limi, 2004-yilda Fransiyaning Pyer va Mariya Kyuri nomli 6—Parij universiteti aspiranturasini tamomlagan. 2014-yilda esa Turin politexnika universiteti doktoranturasini bitirgan.