Ҳукуматнинг 1 июлдаги қарори билан Вазирлар Маҳкамаси ҳузуридаги Давлат тест маркази директорига янги ўринбосар тайинланди. Адлия вазирлиги матбуот хизмат хабарига кўра, ушбу лавозимни Сардор Ражабов эгаллади.
Лавозимга тайинлангунга қадар Сардор Ражабов ДТМ марказий аппаратининг Чет тилини билиш ва эгаллаш даражасини баҳолаш бошқармаси бошлиғи лавозимида ишлаб келган.
Аввалроқ Ички ишлар вазирлиги тизимида лавозим тайинловлари амалга оширилгани, Олий ва ўрта махсус таълим вазирига биринчи ўринбосар тайинлангани, Президент администрацияси раҳбари ўринбосари лавозимида ишлаб келган Фарҳод Маҳмудов Ўзбекистон Миллий телерадиокомпанияси раисининг биринчи ўринбосари этиб тайинлангани ҳақида хабар берилганди.
Шунингдек, Миллий масс-медиани қўллаб-қувватлаш ва ривожлантириш жамоат фонди директори, блогер Хушнудбек Худойбердиев Ўзбекистон Миллий ахборот агентлиги бош директори ўринбосари этиб тайинланди.
Изоҳ (0)