2019-yilning sentabrida Saudi Aramco obyektlariga hujum qilgan qanotli raketalar Eronga tegishli bo‘lgan. Bu haqda BMT bosh kotibi Antoniu Gutterish hisobotida so‘z boradi, deb xabar qiladi Reuters.
2019-yilning dekabrida BMT rahbari hujumni uyushtirgan raketa va uchuvchisiz boshqariladigan qurilmalar Eronga tegishli ekanligini tasdiqlay olmasligini ma’lum qilgandi.
Eslatib o‘tamiz, o‘tgan yilning sentabrida Saudiya Arabistonidagi Saudi Aramco neft zavodlariga dronlar yordamida hujum uyushtirilgandi. Natijada mamlakatda neftni ishlab chiqarish ikki baravarga qisqargan. Hujum bo‘yicha mas’uliyatni Yamandagi xusiy jangarilari o‘z zimmasiga olgan, keyinroq AQSh hamda Saudiya Arabistoni ushbu hujumlar ortida Eron turganini bildirgandi.
Izoh (0)