Bugun,

  • USD 11095.31
  • RUB 173.84
  • EUR 10772.44

Saudiya Arabistoni neft obyektlariga dronlar hujumiga Eronning aloqadorligi borasidagi gumonlar AQSh razvedkasining bir necha taxminlari bilan bog‘liq. Bu haqda “RBK” xabar bermoqda.

Foto: AP

Foto: AP

The New York Times nashriga ko‘ra, AQSh harbiylari Yaman xusiylari javobgarlikni zimmasiga olgan hujumdan avval Eron janubi-g‘arbidagi harbiy bazalarda favqulodda faollikni qayd etgan. Bu esa hujumga tayyorgarlik alomati bo‘lishi mumkin.

Shuningdek, Saudiya Arabistonida portlagan raketalar bo‘laklari ularning parvozi yo‘nalishini taxminan belgilash imkonini bergan. Vashington dronlar Eronda uchirilgani, so‘ng biroz vaqt Iroq havo hududiga kirib, Fors ko‘rfazini shimol tomondan aylanib o‘tgan deb hisoblamoqda. Shu tariqa AQSh kuzatuv vositalarini chalg‘itishga harakat qilingan.

Biroq, AQSh razvedkasida bu holat yuzasidan hali aniq dalil-isbotlar yo‘q va Vashington Saudiya Arabistoni harbiylari olib borayotgan tekshiruv yakunlarini kutishga qaror qilgan. Ar-Riyod esa hozircha dronlar Yaman hududidan uchib kelmagani haqida bayonot berish bilan cheklandi.

Ma’lumot uchun, dronlarning Saudiya Arabistoni neft obyektlariga hujumi oqibatida mamlakatda neft qazib olish 50 foizdan ko‘proqqa kamaydi va bu 16-sentabr kuni neftning dunyo narxlari o‘rtacha 20 foizga ko‘tarilishiga olib keldi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Mahalliy
Vazirlikning 8 mlrdga tushgan sayti, qashqadaryolik ota-o‘g‘ilning Toshkentni “lol qoldirgan” qilmishi: “Daryo”da hafta dayjesti
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi