Buxoro viloyatining Shofirkon tumanida 38 yoshli fuqaro K.B. 72 million so‘mga baholangan to‘qqiz bosh otni aldov yo‘li bilan sotib olib, sotuvchini 62 million so‘mga “uxlatgani” uchun unga firibgarlik aybi bilan jinoyat ishi qo‘zg‘atilgan. Bu haqda “Daryo”ga Buxoro viloyat IIB axborot xizmati rahbari Quvvat Yarashov ma’lum qildi.
Aniqlanishicha, joriy yilning 13-mart kuni xaridor K.B. Romitan tumanida yashovchi 50 yoshli fuqaro B.N.ning uyiga borib, uning to‘qqiz bosh otini 72 million so‘mga baholaydi va sotib oladi. Ot egasiga kelishilgan pulning 10 million so‘mini berib, qolgan pulni 2020-yilning 26-mart kuniga qadar to‘liq yetkazib berishini aytdi. Biroq aytilgan muddat o‘tsa-da, pulni bermaydi. Ot egasining pulni talab qilishiga qaramay natija bo‘lmaydi.
B.N.ning IIBga qilgan murojaatiga ko‘ra, holat o‘rganilib, unga Jinoyat kodeksining 168-moddasi 2-qismi, “a” bandi (Ko‘p miqdorda firibgarlik) bilan jinoyat ishi qo‘zg‘atilgan. Hozirda tergov-surishtiruv jarayonlari olib borilmoqda.
Mavzuga doir:
- Navoiyda 30 mln so‘mdan ortiq mablag‘ni qaytarmaslik uchun pullarni bergan odamga tuhmat qilgan ayol qo‘lga olindi
- Sirdaryoda fuqaroni qalbaki ma’lumotlar yordamida o‘qishga kiritib qo‘ymoqchi bo‘lgan shaxslar ushlandi
- Namanganda xo‘jalik yerini 14 ming dollarga bog‘dorchilik uchun ajratib bermoqchi bo‘lgan fermer xo‘jaligi rahbari ushlandi
Izoh (0)