Navoiyda temiryo‘l izlariga tosh qo‘yib qo‘yilgani aniqlandi, deb xabar bermoqda IIV Transportda xavfsizlikni ta’minlash bosh boshqarmasi. Bundan elektrovoz va yuk poyezdi hech qanday zarar ko‘rmagan va to‘xtamasdan harakatni davom ettirgan.
Qayd etilishicha, 7-iyun kuni soat 14:20 da Navoiy viloyati IIB TXTBga Buxoro MTUga qarashli Malik temiryo‘l bekati navbatchisi, Buxoro lokomotiv deposiga qarashli elektrovoz mashinisti S.S. yuk poyezdi bilan Binokor—Buxoro yo‘nalishi bo‘yicha harakatlanib ketayotgan vaqtida, Binokor—Malik temiryo‘l bekatlari oralig‘idagi 3907-kilometrida temiryo‘l izlari ustiga tosh bo‘laklari qo‘yilganligini xabar bergan.
Olib borilgan surishtiruv ishlari davomida toshlarni Navoiy viloyati, Qiziltepa tumani, umumiy o‘rta ta’lim maktabining o‘quvchilari, 2004-yilda tug‘ilgan D.F. va 2006-yilda tug‘ilgan S. M. temiryo‘l izlari atrofida o‘ynab yurganda qo‘yganligi aniqlangan.
Holat yuzasidan tergovga qadar tekshiruv ishlari olib borilmoqda.
Izoh (0)