Andijon viloyati Asaka tumanida o‘g‘riliklar sodir etib, pullarni talon-toroj qilgan 21 yoshli kelinchakning ushbu harakatlari fosh bo‘ldi. Bu haqda IIV huzuridagi Tergov departamenti xabar bergan.
Xabarga ko‘ra, 2020-yilning may oyida, 21 yoshli I.Y. Asaka tumani Yangiobod mahallasida yashovchi qo‘shnisi 35 yoshli Sh.U. ga chorva mollariga qarab qo‘yishini aytib, xonadonining kalitini qoldirib ketganidan foydalanib, yotoqxonaga g‘ayriqonuniy ravishda kirib, 400 ming so‘m pul va bir dona planshetni yashirin ravishda o‘g‘irlagan.
Bundan tashqari, I.Y. 2020-yil 21-may kuni qo‘shnisi 18 yoshli J.K. bilan o‘zaro oldindan jinoiy til biriktirib, o‘z xonadonida qaynonasi 47 yoshli O.Y.ga tegishli bo‘lgan 2 million 550 ming so‘m pulni yashirin ravishda talon-toroj qilib, ularni sherigi bilan o‘zaro taqsimlab olgan.
Mazkur holat yuzasidan Asaka tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 169-moddasi 3-qismi “a” bandi (O‘g‘rilik) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Mavzuga doir:
- Andijonda o‘zganing mashinasidagi qimmatbaho buyumlarni o‘g‘irlamoqchi bo‘lgan shaxs qo‘lga olindi
- Andijonda 6,5 mln so‘mlik soat hamda telefon aksessuarlarini o‘g‘irlagan shaxslar qo‘lga olindi
- Andijonda shifokorning uyidan 50 mln so‘mlik taqinchoq, 15 ming dollar va 30 mln so‘m pul o‘g‘irlagan shaxslar ushlandi
Izoh (0)