Yengilmas bokschi Floyd Meyvezer ikki vazn toifasida UFC sobiq chempioni Konor Makgregorning faoliyatini yakunlashi haqidagi qaroriga munosabat bildirdi.
“Agar adashmasam, sen Mayk Taysonga ikkimiz o‘rtamizda yana jang bo‘ladigan bo‘lsa, meni mag‘lub etishingni aytganding. Endi esa o‘zing taslim bo‘lyapsan. Eng yaxshilarni mag‘lub etishni xohlaysan deb o‘ylardim.
Yaxshi, agar qaytishga qaror qilsang, seni ringda kutaman va yana bir bor jazolayman”, — deydi Meyvezer.
Eslatib o‘tamiz, Makgregor va Meyvezer 2017-yilning avgust oyida boks qoidalari bo‘yicha jang qilgan. Unda Floyd Konorni 10-raundda texnik nokautga uchratgandi.
Avvalroq irlandiyalik MMA jangchisi faoliyatini yakunlashini ma’lum qildi.
Izoh (0)