Енгилмас боксчи Флойд Мейвезер икки вазн тоифасида UFC собиқ чемпиони Конор Макгрегорнинг фаолиятини якунлаши ҳақидаги қарорига муносабат билдирди.
«Агар адашмасам, сен Майк Тайсонга иккимиз ўртамизда яна жанг бўладиган бўлса, мени мағлуб этишингни айтгандинг. Энди эса ўзинг таслим бўляпсан. Энг яхшиларни мағлуб этишни хоҳлайсан деб ўйлардим.
Яхши, агар қайтишга қарор қилсанг, сени рингда кутаман ва яна бир бор жазолайман», — дейди Мейвезер.
Эслатиб ўтамиз, Макгрегор ва Мейвезер 2017 йилнинг август ойида бокс қоидалари бўйича жанг қилган. Унда Флойд Конорни 10-раундда техник нокаутга учратганди.
Аввалроқ ирландиялик MMA жангчиси фаолиятини якунлашини маълум қилди.
Изоҳ (0)