“Yuventus” va PSJ klublari o‘zaro futbolchi almashishi mumkin, deya xabar bermoqda Tuttosport.
Ta’kidlanishicha, Parij klubi yarim himoyachisi Marko Verratti turinliklar safiga qo‘shilishi mumkin. Buning evaziga “Yuventus” bosniyalik Miralem Pyanichni taklif qilmoqchi.
Ta’kidlash joizki, “Yuventus” ancha vaqtdan beri Verrattining o‘yinini kuzatib keladi. Marko PSJga o‘tishidan oldin ham, “keksa sinyora” italiyalik futbolchini o‘z safiga qo‘shib olmoqchi bo‘lgan.
Avvalroq “Real” ham Verrattiga da’vogarlik qilayotgani aytilgandi. Pyanich esa “Barselona”ga o‘tmoqchi ekani xabar qilingandi.
Mavzuga doir: “Yuventus” futbolchisi “Barselona”ga o‘tish uchun PSJ va “Manchester Yunayted” taklifini rad etdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)