“Aqlli” uylar faqat g‘arb mamlakatlarida emas – toshkentlik developerlar ham aholiga shunday funksional taklif qiladi. Lekin bu tushuncha aynan nimani anglatadi va u yangi xonadon egalarining hayotini qanday qulaylashtiradi?
“Aqlli” uy – bu xonadonda o‘rnatilgan, bir-biri bilan simsiz aloqa vositasida bog‘langan va yangi uyingizda kundalik hayotingizni yanada qulaylashtiruvchi elektron moslama va uzatgichlar tizimi. Zamonaviy texnologiyalar yordamida xonadonni buzg‘unchilardan va yong‘in yoki suv bosishi kabi favqulodda holatlardan himoya qilish, resurslarni tejab qolish hamda xonada yorug‘lik, harorat va namlik darajasini ovoz yordamchilari va avtomatika yordamida sozlagan holda, kundalik hayotni mahsuldor qilish mumkin. Butun tizim ilova orqali yoki qo‘lda nazorat qilinadi, shuning uchun undan foydalanish nafaqat kattalarga, balki keksa va bolalarga ham qulay.
“Aqlli” uyda oilaning mutlaq xavfsizligi
Xonadonda oilaning barcha a’zolarini asrashga mo‘ljallangan bir nechta uzatgich va moslamalar o‘rnatiladi. Masalan, yong‘inga qarshi uzatgichlar xonada harorat ko‘tarilganida ishga tushadi, santexnika ostiga o‘rnatilgan moslamalar esa suv oqishlarini ro‘yxatga oladi. Kirish eshigiga qo‘yiladigan uzatgichlar buzib kirishdan himoya qiladi, uy hovlisidagi shlagbaum va domofon bilan integratsiyalash esa barcha tashriflardan xabardor bo‘lishga yordam beradi. Bunday tizim uyda bo‘lgan ota-onalar va farzandlar xavfsizligidan xavotirlanmaslik, shuningdek o‘z mulkingizni xavfsiz qilish imkonini beradi.
Muhandislik tizimlarini oson boshqarish va resurslarni tejash
Chiroqning o‘chirilishi, quvurdan suv oqishi – muhandislik tizimlarining ishidagi har qanday nosozliklar ilovadan keladigan xabar orqali uy egasiga zudlik bilan ma’lum qilinadi. Bundan tashqari, “aqlli uy” tizimi, agar uyda hech kim bo‘lmasa, elektr ta’minotini o‘chirishga yordam beradi, bu bilan resurslar tejaladi va o‘chirilmagan gaz yoki dazmol haqida qayg‘urmasangiz ham bo‘ladi.
Avtomatlashtirilgan muhitda qulay hayot
Bir tugmacha bilan uydagi chiroqlarni o‘chirish, haroratni pasaytirish yoki pardani yopish – bularning barchasi xonadonda “aqlli uy” tizimini o‘rnatgandan so‘ng imkonli bo‘ladi. Isitish tizimi, elektr darpardalar, yorug‘lik, domofonni boshqarish ilova yoki yana-da qulayroq – turli ishlab chiqaruvchilardan ovoz yordamchilari orqali amalga oshiriladi. “Alisa” yoki Google, shuningdek, internetda istalgan ma’lumotni topish, taksi buyurtma qilish yoki “multiroom” audiotizimi o‘rnatilganida musiqani balandroq qilishga yordam beradi, bular kundalik hayotni yoqimli va mahsuldor vaqtga aylantiradi.
“Aqlli uy” – bu oila va mulkni xavfdan saqlash, barcha kommunikatsiya tizimlarini nazorat qilish va yangi xonadonda o‘tkaziladigan har bir kundan zavqlanish imkonini beruvchi, har bir uy uchun qulay va ochiq tizim!
Reklama huquqi asosida.
Izoh (0)