«Ақлли» уйлар фақат ғарб мамлакатларида эмас – тошкентлик девелоперлар ҳам аҳолига шундай функсионал таклиф қилади. Лекин бу тушунча айнан нимани англатади ва у янги хонадон эгаларининг ҳаётини қандай қулайлаштиради?
«Ақлли» уй – бу хонадонда ўрнатилган, бир-бири билан симсиз алоқа воситасида боғланган ва янги уйингизда кундалик ҳаётингизни янада қулайлаштирувчи электрон мослама ва узатгичлар тизими. Замонавий технологиялар ёрдамида хонадонни бузғунчилардан ва ёнғин ёки сув босиши каби фавқулодда ҳолатлардан ҳимоя қилиш, ресурсларни тежаб қолиш ҳамда хонада ёруғлик, ҳарорат ва намлик даражасини овоз ёрдамчилари ва автоматика ёрдамида созлаган ҳолда, кундалик ҳаётни маҳсулдор қилиш мумкин. Бутун тизим илова орқали ёки қўлда назорат қилинади, шунинг учун ундан фойдаланиш нафақат катталарга, балки кекса ва болаларга ҳам қулай.
«Ақлли» уйда оиланинг мутлақ хавфсизлиги
Хонадонда оиланинг барча аъзоларини асрашга мўлжалланган бир нечта узатгич ва мосламалар ўрнатилади. Масалан, ёнғинга қарши узатгичлар хонада ҳарорат кўтарилганида ишга тушади, сантехника остига ўрнатилган мосламалар эса сув оқишларини рўйхатга олади. Кириш эшигига қўйиладиган узатгичлар бузиб киришдан ҳимоя қилади, уй ҳовлисидаги шлагбаум ва домофон билан интеграциялаш эса барча ташрифлардан хабардор бўлишга ёрдам беради. Бундай тизим уйда бўлган ота-оналар ва фарзандлар хавфсизлигидан хавотирланмаслик, шунингдек ўз мулкингизни хавфсиз қилиш имконини беради.
Муҳандислик тизимларини осон бошқариш ва ресурсларни тежаш
Чироқнинг ўчирилиши, қувурдан сув оқиши – муҳандислик тизимларининг ишидаги ҳар қандай носозликлар иловадан келадиган хабар орқали уй эгасига зудлик билан маълум қилинади. Бундан ташқари, «ақлли уй» тизими, агар уйда ҳеч ким бўлмаса, электр таъминотини ўчиришга ёрдам беради, бу билан ресурслар тежалади ва ўчирилмаган газ ёки дазмол ҳақида қайғурмасангиз ҳам бўлади.
Автоматлаштирилган муҳитда қулай ҳаёт
Бир тугмача билан уйдаги чироқларни ўчириш, ҳароратни пасайтириш ёки пардани ёпиш – буларнинг барчаси хонадонда «ақлли уй» тизимини ўрнатгандан сўнг имконли бўлади. Иситиш тизими, электр дарпардалар, ёруғлик, домофонни бошқариш илова ёки яна-да қулайроқ – турли ишлаб чиқарувчилардан овоз ёрдамчилари орқали амалга оширилади. «Алиса» ёки Google, шунингдек, интернетда исталган маълумотни топиш, такси буюртма қилиш ёки «мултироом» аудиотизими ўрнатилганида мусиқани баландроқ қилишга ёрдам беради, булар кундалик ҳаётни ёқимли ва маҳсулдор вақтга айлантиради.
«Ақлли уй» – бу оила ва мулкни хавфдан сақлаш, барча коммуникация тизимларини назорат қилиш ва янги хонадонда ўтказиладиган ҳар бир кундан завқланиш имконини берувчи, ҳар бир уй учун қулай ва очиқ тизим!
Реклама ҳуқуқи асосида.
Изоҳ (0)