O‘zbekistonda 18-may soat 23:00 holatiga ko‘ra, koronavirusga chalinganlar soni 12 kishiga oshib, 2791 nafarga yetdi. Bu haqda Sog‘liqni saqlash vazirligi xabar bermoqda. Ayni vaqtda 464 nafar bemor davolanishni davom ettirmoqda.
Qayd etilgan 12 ta yangi kasallanish holatining sakkiztasi xalqaro yuk tashuvchi avtomashina haydovchilarida, bittasi Tojikistondan kelib, karantinga olingan, uchtasi esa oldindan karantinda bo‘lgan fuqarolar orasidan aniqlangan.
Kun davomida aniqlangan kasallanish holatlari soni 38 tani tashkil etdi. Ushbu holatlarning oltitasi Navoiy viloyatida, 14 tasi Samarqand viloyatida, qolgan 18 tasi esa Toshkentda aniqlangan.
O‘zbekistonda koronavirus infeksiyasi ilk bor qayd etilganidan buyon 2314 kishi (jumladan, 18-may kuni 67 kishi) sog‘ayib, reabilitatsiyaga kuzatildi. Koronavirus infeksiyasi asoratlari oqibatida 13 nafar bemor vafot etgan.
Izoh (0)