Buxoro viloyatida o‘z akasining uyida o‘g‘irlik sodir etgan shaxs qo‘lga olindi. Bu haqda IIV matbuot xizmati xabar berdi.
Ma’lum bo‘lishicha, 15-may kuni Buxoro viloyatining Kogon shahrida yashovchi I.B. IIBga ariza bilan murojaat qilib, 18-aprel kuni noma’lum shaxs I.B.ning uyidan 1000 dollar va umumiy qiymati 1 million 100 ming so‘mlik erkaklar qo‘l soatini o‘g‘irlab ketganligini ma’lum qilgan.
Ichki ishlar xodimlari tomonidan ko‘rilgan chora-tadbirlar natijasida ushbu jinoyatni I.B.ning ukasi Z.B. sodir etganligi aniqlanib, ushlangan.
Holat yuzasidan Jinoyat kodeksining 169-moddasi (O‘g‘rilik) 1-qismi bilan jinoyat ishi qo‘zg‘atilgan.
Avvalroq Andijonda 6,5 million so‘mlik soat hamda telefon aksessuarlarini o‘g‘irlagan shaxslar qo‘lga olingani, saharlik vaqtida velosiped o‘g‘irlagan shaxslar ushlangani xabar berilgandi.
Izoh (0)