“Yuksalish” umummilliy harakati Sardoba suv omborida yuzaga kelgan toshqin oqibatlari va ularni bartaraf etish bo‘yicha amalga oshirilayotgan ishlar haqida ma’lumot berdi.
Ta’kidlanishicha, suv toshqinidan Sardoba, Mirzaobod va Oqoltin tumanlaridagi 10 ta MFYda (25 ta aholi punkti) dastlabki ma’lumotlarga ko‘ra, 4 351 ta xonadon zarar ko‘rgan. Xonadonlardan 2 570 tasi yaroqsiz va 1 781 tasiga qisman zarar yetgan.
Shuningdek, hozirga qadar yo‘qolgan hujjatlar, bank kredit qarzdorliklari va pensiya to‘lovlari bo‘yicha amalga oshirilgan ishlar bo‘yicha ham ma’lumot berildi:
- 834 nafar fuqaroning biometrik pasporti, 574 ta tug‘ilganlik va 4 ta o‘lim haqida, 220 ta nikoh guvohnomasi tiklangan;
- talafot ko‘rgan 13 383 ta aholi va tadbirkorlik subyektlarining 655 milliard so‘mlik kreditlarining 186,2 milliard so‘mini qaytarish muddati 6 oygacha uzaytirildi;
- jami 5549 nafar pensionerning 3,9 milliard so‘mlik pensiya pullari Xalq banki filiallari tomonidan naqd pul shaklida to‘liq yetkazib berilishi ta’minlangan;
- ekish imkoniyati mavjud maydonlarga 1 million dona sabzavot ko‘chatlarini ekish ishlari boshlandi. Hozirga qadar 80 gektar tomorqa maydonlari ekildi;
- tirik holda topilgan 5160 ta yirik va mayda shoxli qoramollar, otlardan 5143 tasi o‘z egalariga qaytarildi va egasi aniqlanmagan 17 tasi saqlovga olindi.
Mavzuga doir:
- Shavkat Mirziyoyev: Toshqindan jabr ko‘rgan sirdaryoliklar ikki oyda hovlisiga rayhon ekilgan yangi uylarga ko‘chib o‘tishi kerak
- Sardobadagi falokatda salkam 6 ming turar joyga zarar yetdi
- Sirdaryoda toshqindan talafot ko‘rgan tumanlarda 50 ta ko‘p qavatli uy quriladi. Kvartiralar uylariga jiddiy zarar yetgan fuqarolarga bepul beriladi
Izoh (0)