Sardoba suv ombori to‘g‘onining yorilishi natijasida yuzaga kelgan suv toshqini 31 mingdan ortiq uy hayvoni yo‘qolishiga sabab bo‘lgan. Bu haqda “Yuksalish” umummilliy harakati xabar berdi.
Dastlabki ma’lumotlarga ko‘ra 31 719 ta uy hayvoni yo‘qolganligi aniqlangan (13 685 ta yirik va mayda shoxli qoramol, ot, 17 752 ta parranda va 282 ta boshqalar).
Ta’kidlanishicha, hozirga qadar 5 859 ta hayvon o‘lik holda topilgan va zararsizlantirilgan. Jumladan:
- 4 178 ta yirik va mayda shoxli qoramol, ot;
- 1 442 ta parranda;
- 239 ta boshqa hayvon.
Avvalroq Sirdaryodagi toshqinlar oqibatida yo‘qolgan 4 mingdan ortiq uy hayvoni o‘z egalariga qaytarilgani haqida xabar berilgandi.
Izoh (0)