O‘zbekistonda 16-may soat 10:00 holatiga ko‘ra, koronavirus infeksiyasi qayd etilganlar soni 5 nafarga oshib, 2691 kishiga yetdi. Bu haqda Sog‘liqni saqlash vazirligi xabar berdi.
Ma’lum qilinishicha, yangi kasallanish holatlarining 1 tasi xorijdan kelgan fuqaroda aniqlangan. U xalqaro yuk tashuvchi avtomashina haydovchisi bo‘lib, shu yil 14-may kuni Rossiyadan kelgan. Shuningdek, kasallik 4 nafar oldindan karantinda bo‘lgan navoiylik fuqaroda aniqlangan.
Respublika bo‘yicha koronavirusdan tuzalganlarning soni esa 2158 nafarga yetgan bo‘lib, sog‘ayish ko‘rsatkichi 80 foizni tashkil etmoqda.
Shuningdek, davolanayotgan 522 nafar bemordan 8 nafarining ahvoli og‘ir ekanligi qayd etilgan.
Izoh (0)