Koronavirus sababli teri rangi qorayib ketgan Uxan markaziy kasalxonasi shifokori Yu Fanning terisi asl rangiga qaytmoqda, deb xabar bermoqda The Sun.
The Sun’ning yozishicha, shifokor koronavirusdan butunlay sog‘aydi, biroq yurishda biroz qiyinchiliklarga duch kelmoqda. Shuningdek, kechalari yomon tush ko‘rayotganidan shikoyat qilgan.
Tana rangi o‘zgargan yana bir shifokor, Xu Veyfeng esa hali ham kasalxonada davolanmoqda. Qayd etilishicha, shifokor koronavirus bilan olishayotganiga 100 kundan oshdi.
Eslatib o‘tamiz, aprel oyi oxirlarida koronavirusga chalingan xitoylik ushbu shifokorlar kasallikning kutilmagan oqibatlariga duch kelgan edi. Ularda gormonlar bilan bog‘liq muammolar yuzaga kelib, butun tanasi qorayib ketgan. Bunga jigardagi buzilishlar sabab bo‘lgan.
Ularni davolayotgan shifokor, har ikkala shifokorning tana rangi jigar to‘liq tuzalganidan keyin yaxshilanishini bildirgan.
Izoh (0)